الكتابة بالزرع

[ندعوك للتسجيل في المنتدى أو التعريف بنفسك لمعاينة هذه الصورة]


هذه أهم الأدوات الي راح نستخدمها إن شاء الله ، والي ماعرف مكان الـ ( fx ) راح يلاقيها أسفل نافذة ( Layers ) طبعا هي أختصار لـ ( Layer Style ) .
وهذه الألوان الأساسية الي راح نحتاجها :



[ندعوك للتسجيل في المنتدى أو التعريف بنفسك لمعاينة هذه الصورة]


وهذه الأكواد : اللون التفاحي ( a8be40 ) و اللون الأخضر ( 328a26 )



دحين راح نبدأ الجد [ندعوك للتسجيل في المنتدى أو التعريف بنفسك لمعاينة هذه الصورة]


نفتح ملف عمل جديد ومارح أقول لكم وين الي مايعرف يتعب ويدور [ندعوك للتسجيل في المنتدى أو التعريف بنفسك لمعاينة هذه الصورة]
طيب تحطون المقاس الي تبغوه مافي شي محدد لكن في هذا الدرس راح نجرب المقاس ( 480 × 640 ) ، راح تفتح لنا صفحة بيضاء !



نجهز علبة الألوان أو مجموعة الألوان زي ماوريتكم فوق التفاحي في المقدمة و الأخضر في المؤخرة ، بعدين نختار أداة التدرج ، طيب قبل لا نبدأ نبغى نعرف أيش الفايدة من الخطوة الجاية ؟!



اللون الأخضر الغامق في الخلف يعبر لنا عن خلفية العمل أو الأرضية و اللون الفاتح - التفاحي - يعبر لنا عن إضاءة العمل أو مصدر إضاءة العمل !! طيب يا هو إيش الفايدة من الإضاءة و الزحمة دي ؟!! [ندعوك للتسجيل في المنتدى أو التعريف بنفسك لمعاينة هذه الصورة]


مصدر الإضاءة أو موقع الإضاءة في العمل يحدد لنا أتجاه الظل ! يعني لو الإضاءة جاية من فوق راح تصير ظلال الأجسام في العمل إلى الأسفل[ندعوك للتسجيل في المنتدى أو التعريف بنفسك لمعاينة هذه الصورة] .. أتمنى تكونوا فهمتوا المقصود [ندعوك للتسجيل في المنتدى أو التعريف بنفسك لمعاينة هذه الصورة] .



طيب أنا بجرب أخلي مصدر الإضاءة هنا في الزاوية اليسرى العلوية إن شاء الله ، وعشان يضبط الشغل غيرت خصائص أداة التدرج تغيير بسييييييط زر واحد بس شوفوه :
[ندعوك للتسجيل في المنتدى أو التعريف بنفسك لمعاينة هذه الصورة]


ونسحب سحبة خفيييفة في ملف العمل ، نشوف كيف :



[ندعوك للتسجيل في المنتدى أو التعريف بنفسك لمعاينة هذه الصورة]


وهاذي النتيجة :



[ندعوك للتسجيل في المنتدى أو التعريف بنفسك لمعاينة هذه الصورة]
والأسهم توضح لنا مصدر الإضاءة على الأجسام [ندعوك للتسجيل في المنتدى أو التعريف بنفسك لمعاينة هذه الصورة] .



طيب نجي للخلفية المعتقة و الحركات والبركات ، ناس قالوا فرش و ناس قالوا مدري أيش << نصاااااااب [ندعوك للتسجيل في المنتدى أو التعريف بنفسك لمعاينة هذه الصورة] .
العملية بسيطة ، و ماخير رسول الله صلى الله عليه وسلم بين أمرين إلا اختار أيسرهما مالم يكن إثما !! يعني بدال ما نضرب مشاوير نعتق بالفرش و أوف دي مازبطت عيدها و نسوي طبقات أو لايرز بالهبل لا لا .. خلوكم معاي و أمسكوا الخط السريع ..



نجيب خامة معتقة وجاهزة زي هاذي :
[ندعوك للتسجيل في المنتدى أو التعريف بنفسك لمعاينة هذا الرابط]
وهذا رابطها بحجمها الأصلي عشان الكل يستفيد :
من هنــا



طيب نجيب الخامدة هاذي ونحطها فوق البقراوند الي سويناه قبل شوي ونخلي المود حق لاير الخامة ( Overlay ) واللي مايعرف يشوف من هنا :



[ندعوك للتسجيل في المنتدى أو التعريف بنفسك لمعاينة هذه الصورة]


ونشوف أيش النتيجة !!!!!!


[ندعوك للتسجيل في المنتدى أو التعريف بنفسك لمعاينة هذه الصورة]
ياااا حركااااااات [ندعوك للتسجيل في المنتدى أو التعريف بنفسك لمعاينة هذه الصورة]


طبعا نخفف الشفافية أو الـ ( opacity ) حسب المزاج انتا تبغى الأرضية غااامقة وفااقعة ولا تبغاها باهته شوي ، بكيفك هادا الشي يرجع لذوقك ..



طيب دحين الحمدلله خلصنا الخلفية ، يبقى لنا نتعلم كيف نسوي التأثير !!


قبل لا نبدأ خلوني أديكم الصورة الأساسية في العمل الي هي صورة الزرع :
من هنــا

نرجع للدرس ..



دحين نكتب الي بدنا أياه كل واحد بكيفه بس خلونا نجرب كلمة أممممممم .. مثلا " فراس " الي هوا أخوي الصوغنن [ندعوك للتسجيل في المنتدى أو التعريف بنفسك لمعاينة هذه الصورة] ، نختار أداة النصوص ونكتب الي نبغاه بلون أبيض ونخلي الشفافية 50% مثلا شوفوا معايا :



[ندعوك للتسجيل في المنتدى أو التعريف بنفسك لمعاينة هذه الصورة]


طيب نجي الآن ونحط خامة الزرع الي حطينا رابطها فوق ونحطها تحت الكلمة الي كتبناها " فراس " ونصغرها ونضبطها حسب المزاج لكن عشان نعطي العمل هنا شوية واقعية نخليها صغيرة بحيث تضبط الأبعاد إن شاء الله ..



طيب نحدد الآن كلمة " فراس " وطريقة التحديد معروفة والي مايعرف كيف يحدد لاير كامل يجرب يضغط زر ( ctrl ) وتضل معلق عليه وتروح عند الاير الي تبغى تحدد وعندنا هنا لاير النص الي كتبناه راح تلاقي ايقونة الماوس تغيرت وصارت يد وفوقها مربع منقط ، المهم تضغط ضغطة بسيطة على الاير أو الطبقة الي تبغى تحددها بالكامل .



[ندعوك للتسجيل في المنتدى أو التعريف بنفسك لمعاينة هذه الصورة]


طيب الآن نبغى نحدد حرف الـ س بس !! أيش نسوي ؟؟ يعني نجيب المساحة ونمسح التحديد ؟؟!! في طريقة نقدر نمسح بيها التحديد بكل بساطة نستخدم أداة التحديد المستطيلة و أختصارها M من الكيبورد ونغير في خصائصها بحيث تمسح التحديد الي نحدده عارف أن أمخاخكم هنّقت هههههه شوفوا كيف وراح تفهموا إن شاء الله :



هنا نختار هالخيار من فوق شريط خصائص الأداة :


[ندعوك للتسجيل في المنتدى أو التعريف بنفسك لمعاينة هذه الصورة]


وهنا الحركة الي راح نسويها :



[ندعوك للتسجيل في المنتدى أو التعريف بنفسك لمعاينة هذه الصورة]


وهادي النتيجة :



[ندعوك للتسجيل في المنتدى أو التعريف بنفسك لمعاينة هذه الصورة]


صارت الـ س محددة لوحدها [ندعوك للتسجيل في المنتدى أو التعريف بنفسك لمعاينة هذه الصورة] .. طيب نجي الآن للشغل الجااااااااامد و الإبداع أنامل كل واحد منكم يعني الخطوة الجاية تعتمد على إبداع الشخص وكلكم مبدعين بإذن الله ..



نختار أداة الحبل ( Lasso Tool ) وراح نستعمل خيارين في هذه الأداة :


[ندعوك للتسجيل في المنتدى أو التعريف بنفسك لمعاينة هذه الصورة]


الأول يزيد في التحديد يعني انت محدد شي تقوم تحدد شي زيادة فا يصير التحديد الأساسي حسب مازودته وربي مارح تفهمون إلا لمن تجربوا خخخخخخخ .. طيب والثاني العكس ينقص في التحديد ..



نشوف تجربة :



[ندعوك للتسجيل في المنتدى أو التعريف بنفسك لمعاينة هذه الصورة]


لا حظوا أني قاعد أتتبع أماكن الزرع يعني شي طالع اتتبعه ، أتمنى أنكم فهمتوا الي أقصده .. دحين نشوف الـ س كاملة [ندعوك للتسجيل في المنتدى أو التعريف بنفسك لمعاينة هذه الصورة]


طيب دحين نختار لاير أو طبقة خامة الزرع من نافذة ( Layers ) ونسوي نسخ طيب ليش اخترنا الطبقة أول ؟؟ عشان عملية النسخ تكون في هذه الطبقة بس طيب ممكن نسوي نسخ عن طريق القائمة المنسدلة ( Edit ) أو C + Ctrl من الكيبورد ، ومن ثم نلصق ما نسخناه وسنلاحظ أن التحديد سيختفي !! لو نبغى نحفظ التحديد الي سويناه نضغط كلك يمين وأحنا مازلنا مفعلين اداة الحبل ونختار خيار ( Make Work Path ) ونختار القيمة 1 بيكسل عشان يجيبه

مثل مارسمنا بالضبط إن شاء الله [ندعوك للتسجيل في المنتدى أو التعريف بنفسك لمعاينة هذه الصورة] وراح نلاقيه في نافذة ( Paths ) إن شاء الله .. نرجع زي ماقلت نسوي نسخ ولصق بعد ماحددنا لاير أو طبقة الخامة عشان ينسخ لنا منها ..



وهادي النتيجة :



[ندعوك للتسجيل في المنتدى أو التعريف بنفسك لمعاينة هذه الصورة]


طبعا أخفيت لاير كلمة " فراس " ^_^ .. شايفين كيف ؟!!!!



دحين نسوي نسخة ثانية و ثالثة و رابعة لحرف الـ س بعد اللصق
نجي للنسخة الأولى نسوي عليها تأثيرات من ( Layer Style ) الي هوا الـ ( fx ) ، نشوف مع بعض القيم و المؤثرات الي راح نسويها :



[ندعوك للتسجيل في المنتدى أو التعريف بنفسك لمعاينة هذه الصورة]


حطيت قمية شفافيتها 40% ركزوا .. عشان يبان لنا تأثير النسخة الثانية .


[ندعوك للتسجيل في المنتدى أو التعريف بنفسك لمعاينة هذه الصورة]


وهادي النتيجة :



[ندعوك للتسجيل في المنتدى أو التعريف بنفسك لمعاينة هذه الصورة]


مع التذكير أنو في نُسخ تحتها لسى ماسوينا لهم أي تأثير [ندعوك للتسجيل في المنتدى أو التعريف بنفسك لمعاينة هذه الصورة]


طيب دحين نسوي التأثيرات على النسخة الثانية :



[ندعوك للتسجيل في المنتدى أو التعريف بنفسك لمعاينة هذه الصورة]


وهادي النتيجة :



[ندعوك للتسجيل في المنتدى أو التعريف بنفسك لمعاينة هذه الصورة]


واتمنى اتمنى من كل قلبي أنو كل واحد فيكم يجرب يغير القيم ويختار القيمة الي يرى أنها مناسبة لا تقيد نفسك أبدا بأرقام معينة أنا أخترت هذه الأرقام و اكيد في أفضل منها .. وأنتوا راح تكتشفوها [ندعوك للتسجيل في المنتدى أو التعريف بنفسك لمعاينة هذه الصورة]



كمان حاجة بسألكم : الأماكن الي حددتها بدائرة خضراء ليش ما غيرنا قيمها ؟؟ فكروا !


طيب نجي دحين لأهم حاجة والشي الي إلى الآن ماضبطته تمام الي هوا " الظل " الظل هو أقوى شي يجسم لك عملك يعني لو صرت فنان في تضبيط الظلال راح ترتاااااح

لأنك وقتها راح تكون قادر على تجسيم رسومات الـ 2D [ندعوك للتسجيل في المنتدى أو التعريف بنفسك لمعاينة هذه الصورة] ..



الطريقة سهلة إن شاء الله وهيا أننا نضيف ظل للنسخة الثالثة من ( Layer Style ) بهذه القيم :



[ندعوك للتسجيل في المنتدى أو التعريف بنفسك لمعاينة هذه الصورة]
و النتيجة :


[ندعوك للتسجيل في المنتدى أو التعريف بنفسك لمعاينة هذه الصورة]


نجي نحدد النسخة الرابعة ونصبغ لونها بالأسود !


وعندنا طريقتين الطريقة الكلاسيكية الي هيا نحدد اللير ونجي لأداة التعبة و " طاااخ " نصبغها أسود أو نسويها من ( Layer Style ) :



[ندعوك للتسجيل في المنتدى أو التعريف بنفسك لمعاينة هذه الصورة]
بعدين نجي للقائمة المنسدلة ( Filter ) ونختار Blur >> Gaussian Blur
ونحط هالقيمة :

[ندعوك للتسجيل في المنتدى أو التعريف بنفسك لمعاينة هذه الصورة]


ونرجع للقائمة المنسدلة ( Filter ) ونختار Blur >> Motion Blur
ونحط هالقيمة :



[ندعوك للتسجيل في المنتدى أو التعريف بنفسك لمعاينة هذه الصورة]


وبعدين نحرك هالطبقة أو الاير لتحت وكمان لليمين إلى أن نشوف أنه تمام
بعدين نمسح الظل الي طالع في الجهة المعاكسة اقصد جهة الضوء :


[ندعوك للتسجيل في المنتدى أو التعريف بنفسك لمعاينة هذه الصورة]


وبعدين نخفف الشفافية حقها أو الـ ( opacity ) إلى 80%
والنتيجة :

[ندعوك للتسجيل في المنتدى أو التعريف بنفسك لمعاينة هذه الصورة]


نشوف نظرة سريعة لنافذة ( Layers ) :
[ندعوك للتسجيل في المنتدى أو التعريف بنفسك لمعاينة هذا الرابط]
وخـــــلـــــصـــــنــــــاااااااااااااااااااااااا